Nota de prensa que nos pasa la Federación Gallega de Automovilismo del Rally de Ferrol 2023.

"O RALLYE DE FERROL RETORNA AO CAMPIONATO GALEGO CON 86 EQUIPOS NA LISTA DE INSCRITOS

O Campionato Galego de Rallyes non se detén. Esta fin de semana, en concreto os días 19 e 20 de agosto, o Rallye de Ferrol retorna ao Campionato Galego de Rallyes cunha lista de 86 equipos, incluida a presenza do Clio Trophy Galicia e o Criterium Galicia Recalvi.

Dúas xornadas de competición sobre unhas especiais ben coñecidas polos afeccionados galegos, que poderán asistir ao retorno de Víctor Senra e David Vázquez ao Skoda Fabia Rally2, logo de participar na primeira metade do certame co imponente Citroën C3 WRC.

Para plantarlle cara aos favoritos e vixentes campións galegos, visita de Joan Vinyes e Jordi Mercader co Hyundai I20 Rally2 e presenza doutros equipos como os formados por Pablo Rey e Luis Hernández ou Roberto Blach e Mauro Barreiro, que competirán na cita ferrolana a modo de test dentro do seu programa no JWRC.

Ademáis, a proba ferrolana tamén será puntuable para o Clio Trophy Galicia que lideran Diego Félix e Raquel Rodríguez e o Criterium Galicia Recalvi, no que marchan en cabeza Adrián Vázquez e Melisa Lorenzo.

A actividade comezará este sábado pola mañá co shakedown da proba, a partir das 11:00 horas.

Os catro primeiros treitos cronometrados comezarán pola tarde, dende as 17:00 horas. O domingo, coas cámaras da TVG2 retransmitindo dúas especiais en directo, ás 10:30 e as 14:00 horas.

A entrega de premios será na Avenida de Esteiro ás 15:30 horas."